شعبي جدا

زائر

هاك استكانة جاي أشرب عوافــي
أو دزيته لك مخصوص يامايه صافي

رش الدرب تيــزاب حافي أعتـني لـك
جا شـلي بالرجليـن الما تجي لــــك

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام

كل ما يجي الليل أذكر وفــــاكم
واذكر محاشي الطيب وابجي أبرهاكم

ويا النجم سهران وايدي أعلى خــدي
الليل أوظلام الليل شو كلها ضـــدي

وحدي ابنص الليل بس حيرتي أوياي
أبجي أعلى وقت الراح واتنطر الجاي

إشما تقول الناس عندي أنته لول
سو كلشي بالدلال يالحلو مخـول

يالتون تالي الليل سمعني حسك
لولا القلت والقال لعبر وونسك

شحجي وتريد الناس من عندي أحجـي
دمعتي إبطرف العين بس أحجي أبجـي

للخوه ماقضيت شي ماقضيته
حتى الصخر ياناس وتوسديته

انت العطش والماي وانت المشوفـه
ورسمش وحق عيناش بالكاس اشوفه

أرد انشدك وارجوك صارحني ياهواي
تذكرني لوغصيت من تشرب المــاي

نارك يخايب ماي مومثل نـــاري
اومن يطري بيا الشوق يحترق جاري

هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون

بالك تقول الاه ياخويا بـــالك
كل التقوله ايصير روحي ابدالك

مبخوت أضل للشيب يافلان أذكـرك
أوينكرني نور العين من كون أنكرك

سبحانه من سـواك نص وجهك إعيــون
إزغيــر سبيــت الناس من تكبر شلون

بيدي أوقرضها الفار فجت عباتي
كل هذا ماطخيت وامشي ابرهاتي

أتمنى كون أيصير لحدي أويا لحدك
أو من يطلع الدفان أقعد وقعـــدك

بيدك ضيعت ديك الليـــالي
وبلحظه ما أجى أبعينك دلالي

شقيت ثوبي أعليك وصلته للنــص
جاوين قلبك أوياي صاير مثل جص
<table id=AutoNumber2 style="BORDER-COLLAPSE: collapse" borderColor=#111111 cellSpacing=0 cellPadding=0 width="100%" border=0><tr><td align=middle width="100%">جاوبني تدري الوقت بوقاته سكتــاوي
موش أنته نبعة عشق بالحسن متغـاوي
</TD></TR>
<tr><td align=middle width="100%">مدري شجاني الليله حنـيت
واتقلب أعلى النار فريــت
</TD></TR>
<tr><td align=middle width="100%">خـل روحـــك إبعِـز دوم بالك تذلها
ولا تطلب الحاجــات إلاٌ من أهلهــا
</TD></TR>
<tr><td align=middle width="100%">غصبن عليـه الروح آنـه الأذلهـا
محتاج والحاجات ماهـمـه أهلهـا
</TD></TR>
<tr><td align=middle width="100%">أنوح أولاهلي يدرون بيه
تموت الروح والعله خفيه
</TD></TR>
<tr><td align=middle width="100%">بسك ولك يالبين دقاتك أويـــاي
أدقني وسط الضيق وتشمت اعداي
</TD></TR>
<tr><td align=middle width="100%">الاخو وقت الضيج ماينكر أخـته
أوحان الوقت هاليوم ياخويا وقته
</TD></TR>
<tr><td align=middle width="100%">

لاتسأل إعله الحال خلـيها سكته
تسأل على المكتول والكاتل إنته